Zarautz eko UKUE ren egoitzan egin zen ekitaldian, eskualdeko instituzioetako kideek, gizarte-eragileek eta ekonomia-sektoreko ordezkariek parte hartu zuten, guztira 30 bat lagun inguru. Jardunaldiaren helburua klima aldaketaren aurrean tokiko erantzunak indartzea izan zen.

Jose Ignacio Asensio diputatuak eta Ion Arozenak, UKUE ko presidenteak, nabarmendu zuten "klima aldaketaren ondorioei erantzun eraginkorrak emateko erakundeen, elkarteen eta herritarren arteko lankidetza indartzearen garrantzia".

Jardunaldian, Urola Kosta eskualderako klima diagnostiko espezifikoa aurkeztu zen. Azpimarratu zuten eskualdea "bereziki baldintzatuta" dagoela "kostaldean duen esposizioagatik eta espazio natural jakin batzuen sentikortasunagatik". Horien artean, Pagoetako eta Izarraitzeko Kontserbazio Bereziko Eremuak aipatu zituzten, "klima aldaketaren ondorioen aurrean kalteberatasun maila handiak identifikatzen baitira".

Gainera, azterketak eskualdeko itsasertzeko esposizio handian ere arreta jartzen duela gogorarazi zuten, "bereziki Zarautzen eta Zumaian, itsas uholdeei eta hondartzen atzerakadari lotutako arriskuak baitaude, itsas mailaren igoeraren ondorioz".