Gipuzkoako Foru Aldundiko Kontseiluak bere bilera ibiltarietako bat egin du gaur goizean Azkoitiko Insausti jauregian, erakundearen jarduera lurralde osora eta herritarrengana hurbiltzeko konpromisoari eutsiz.

Eider Mendoza diputatu nagusiak eta Ana Azkoitia alkateak, biek ala biek, erakundeen arteko lankidetzaren garrantzia azpimarratu dute. "Erakundeak elkarrekin lan egitean, gure komunitateari zuzenean mesede egiten dioten eta haren garapena indartzen duten neurri eta proiektuak bultzatzeko gai gara", adierazi du Mendozak.

Bilera baino lehen, bi agintariek lan-bilera bat izan dute, non udalerriko proiektu nagusiak eta Gipuzkoarako ekimen estrategikoak aztertu dituzten. Era berean, herrian garatutako azken proiektuetako batzuk bisitatu dituzte.

Ana Azkoitia alkateak ere nabarmendu du erakundeen arteko lankidetzaren balioa, batez ere "garai hauetan, desafezio politikoa hain nabarmena den honetan". "Gure erakundeak hurbiltzea eta balioan jartzea garrantzitsua da, eta non hobeto, Euskal Herriko Ilustrazioaren sehaska den Insausti jauregian baino!", gaineratu du.

Insausti jauregia, XVIII. mendearen erdialdean eraikia, Gipuzkoako ondare eta historiaren erreferente nagusietako bat da. Gaur egun, erakunde historiko honen egoitza da, eta bulegoak, bilera-aretoak, batzar areto bat eta memoria historikoari eskainitako areto bat ditu.