Aste bikaina izaten ari da Aitor Agirre eta Maite Urteaga txirrindularientzat. Bi zumaiarrak Sabiñanigon lehiatu dira azken egunotan, eta ikusleak aho zabalik utzi dituzte beraien erakustaldiekin. Agirrek Espainiako Erlojupeko Txapelketa irabazi zuen joan den ostegunean Elite mailan, eta Urteagak bigarren postua eskuratu zuen atzo maila berean, Espainiako Lineako Txapelketan.
Lortutako emaitza hauek ospatzeko, herriak harrera egingo die bi txirrindulariei gaur, 19:30ean, Kofradian. Ekitaldi honek bi kirolarien lorpenak aitortu eta komunitatearen babesa erakutsi nahi du.
Sekulako erakustaldia eman zuen atzo errepidean.
Agirrek ia 31 kilometroko erlojupekoa 40:15.46 denboran osatu zuen, bigarren sailkatuari, Eloy Terueli, 25 ehuneko segundo eskas ateraz. Nahiz eta gaurko lineako lasterketan ez duen sailkapen nagusian sartzerik lortu, bere erlojupekoaren nagusitasuna nabarmendu da.
Bestalde, Urteagak lasterketa hasi bezain pronto tropeletik ihes egitea lortu zuen, eta bakarrik egin zuen 120 kilometro inguru. Elite kategorian zilarra eskuratu zuen Sandra Alonsoren atzetik, eta sailkapen orokorrean seigarren postuan amaitu zuen.
