Bizkaiko Foru Aldundiaren iturri ofizialen arabera, erronka honetan oinez, korrika edo bizikletaz egindako desplazamendu aktiboek puntuak ematen dituzte. Aplikazioak jarduera motaren arabera neurtzen du ahalegina, eta udalerri handi zein txikien arteko lehia orekatzeko, sailkapena biztanleriaren arabera egokitzen da.
Lehiaketan parte hartzeko, interesdunek Wellk aplikazioa deskargatu eta erregistratu behar dute, eta ondoren, Urduliz aukeratu talde gisa. Jarduerak zuzenean erregistra daitezke aplikazioaren GPSaren bidez, edo Strava, Garmin, Fitbit, Apple Health edo Google Health Connect bezalako zerbitzuekin sinkronizatuta.
Parte hartzaileek 14 urte baino gehiago izan behar dituzte. Gainera, ez da beharrezkoa Urdulizen erroldatuta egotea; izan ere, antolatzaileek adierazi dutenez, "herriagaz lotura edo afinitatea duen edonork aukeratu dezake talde gisa".
