Programak guztira 26 pertsona kontratatuko ditu Uribe Kostan, herri-lanetako peoi lanak egiteko. Lemoizko lanpostua lau hilabete eta erdiko iraupenekoa izango da, lanaldi osokoa, eta 2026ko abenduaren 31 baino lehen sinatuko da.
Lan-eskaintzak azaroaren 9 tik aurrera argitaratuko dira Lanbideren webgunean. Parte hartu nahi dutenek dagokien eskaintzan eman beharko dute izena. Lanbideko Zerbitzu Zentralek hautagaien parekatze informatiko automatikoa egingo dute, eta prozesu horretan parte hartzeko, Lanbiden eskatutako lanbideen artean “Herri-lanetako peoia, oro har" agertu beharko da.
Kontuan izan behar da eskaintzak webgunetik desagertuko direla izena emandako hautagaien kopuruak ezarritako muga teknikoa gainditu bezain laster. Hautagaien artean berdinketarik izanez gero, lehentasuna izango dute azken enplegutik langabezian denbora gehien daramatenek, ondoren emakumeek, eta azkenik, adin handiagoko pertsonek.
Lanbideren 2025eko urriaren 20ko Ebazpenaren arabera, hautagaiek lan-eskaintzari dagokion udalerrian erroldatuta egon behar dute, Lanbiden izena emanda eta langabezia egoeran, eta ezin dute 2025eko deialdian edo aurreko urtean Behargintzaren beste deialdietan kontratatuta egon.
Lanbideko curriculumean aldaketaren bat egin behar duten Lemoizko herritarrek Mungiako Lanbideren bulegoan, webguneko "NIRE LANBIDENET" atalean edo Uribe Kostako Behargintzan egin ahal izango dute. Zalantzak argitzeko edo informazio gehiago jasotzeko, 946 760 638 telefono-zenbakira deitu daiteke Uribe Kostako Behargintzarekin harremanetan jartzeko.
