Urte bukaeran banatzen diren Kirol Sarietarako hautagaitzak aurkezteko epea zabalik da jada Azpeitian. Udalak 2000. urtean ekin zion sariok emateari, eta COVID-19aren pandemiagatik 2020an izan ezik, urtero egin du ekitaldi hau.
Aurten hiru kategoriatan aurkeztu ahal izango dira hautagaitzak: Urteko Kirolaria gizonezkoen kategorian, Urteko Kirolaria emakumezkoen kategorian eta Urteko Boluntarioa. Proposamenak egiteko epea azaroaren 15era arte egongo da zabalik, eta hautagaiak online formulario honen bidez aurkeztu beharko dira.
Hautagaitzak jasotzeko epea amaituta, herritarrek eta klubek proposatutako hautagaien artean bozkatzeko aukera izango da azaroaren 18tik 25era. Aurtengo gala abenduaren 17an, ostegunean, 19:00etan hasiko da, Sanagustin kulturgunean.
Iazko edizioan, Izarraitz Igeri Elkarteko nesken talde absolutua, Arauntza Riderseko mendiko bizikleta taldea eta Ilunpe Pilota Elkarteko boluntarioak izan ziren sarituak.
