Imanol Pradales Lehendakaria k Euskadiren erronka eta lehentasun nagusien inguruko hausnarketak partekatu zituen atzo arratsaldean Tolosa n, Uzturre Foroaren hamaikagarren edizioan. Nazioarteko eta estatuko testuinguru konplexu eta ezegonkor batean, Pradalesek Euskadik eta euskal gizarteak dituzten erronka nagusien inguruan gogoeta egin zuen.
Lehendakariak Jesús Insausti, Uzturre, Euskadirekiko, pertsonarekiko eta askatasunarekiko zein demokraziarekiko konpromisoaren adibide gisa nabarmendu zuen. Euskaltzale, itzultzaile, kazetari, sindikalista eta lider politiko gisa egindako ibilbidea gogoratu zuen, eta bere bizitza osoan zehar Euskadiri egindako dedikazioa azpimarratu zuen, baita egoera zailenetan ere, bai erbestean bai Euskadin. Lehen Eusko Jaurlaritzaren 90. urteurrena gogoratzen den urte honetan, Uzturrerenganako eta Euskadiren etorkizunaren alde konpromisoz eta humanismoz lan egin zuen belaunaldi harkiko aitortza egin zion.
Halaber, Euskadik eraldaketa global handien unean murgilduta dagoela ohartarazi zuen, iraultza teknologikoak, aldaketa demografiko eta klimatikoek eta geopolitika berrantolaketa sakon batek baldintzatuta, eta horiek demokraziaren egonkortasuna eta ongizatea proban jartzen dituzte. Testuinguru horretan, askatasunaren, justiziaren eta ongizatearen eredu europarrean sinesteko eta horren alde lan egiteko beharra defendatu zuen, baita jokoan dagoen guztiaren kontzientzia hartzeko beharra ere.
Etorkizunari begira, hiru erronka nagusi aipatu zituen Euskadirentzat: aberastasuna sortzea eraldaketa ekonomiko-industrialaren bidez, ongizate sistema behar berrietara egokitzea eta euskal identitatea autogobernuaren bidez zaintzea eta garatzea. Horiei aurre egiteko, lankidetza, erantzukidetza eta ongi komunaren aldeko deia egin zuen, Uzturrereren adibidea eta Euskadirekiko zuen konpromiso humanista berreskuratuz.
Topaketak egungo testuinguruaren gakoak eta euskal gizartean duen eragina aztertzea zuen helburu, baita Euskadik orainaldian eta hurbileko etorkizunean bere ahaleginak bideratu behar dituen helburuak identifikatzea ere.
