Lan horiek kiroldegiko instalazioen energia-eraginkortasuna hobetzea bilatzen dute, erosotasun termikoa areagotuz eta epe ertain eta luzera zerbitzu fidagarriagoa eta iraunkorragoa bermatuz. Hala ere, udalak ohartarazi duenez, obrek irauten duten bitartean, erabiltzaileek zenbait eragozpen izan ditzakete.
“"Jarduera hauek beharrezkoak dira Usabal kiroldegiko energia-efizientzia optimizatzeko, erosotasun termikoa hobetzeko eta epe ertain eta luzera zerbitzu iraunkorragoa eta fidagarriagoa bermatzeko. Hala ere, obrek irauten duten bitartean, zenbait eragozpen sor daitezke, hala nola noizbehinkako zaratak, tenperatura-aldaketak espazio batzuetan, zenbait gune erabiltzeko murrizketak edo ohiko ordutegietan aldaketak."
Tolosako Udala k adierazi duenez, erabiltzaileei sor dakizkiekeen eragozpenen jakitun dira, eta horiek ahalik eta gehien murrizteko eta obren iraupena laburtzeko neurri guztiak hartzen ari direla ziurtatu dute. Era berean, aldez aurretik eskertu dute erabiltzaile guztien ulermena eta lankidetza, eta edozein zalantza edo argibide behar izanez gero, kiroldegiko langileekin harremanetan jartzera gonbidatu dituzte.
