Aurten, lau enpresa berrik lortu dute lehen aldiz ziurtagiria: Alegiako Egurre rokodromoa, Tolosako Oria Hotela, Tolosa Iparra Taproom eta Jo Topagunea. Tolosaldea Garatzenek adierazi duenez, aitortza honek eskualdeko turismo sektorearen eskaintza zabal eta berritzailea islatzen du.
Horrez gain, eskualdeko beste zazpi enpresak berritu dute Euskadiko Kode Etikoarekiko konpromisoa. Hauek dira: Alkizako Fagus interpretazio zentroa, Berrobiko Iriarte jatetxea, Orexako Ostatua, Rafa Gorrotxategi, Topic Museoa, Ur Mara Museoa eta Tolosaldeko turismo bulegoa.
Euskadiko Turismoaren Kode Etikoak funtsezko printzipio batzuk ezartzen ditu, Euskadiko turismo-eragile guztiek erantzukizuna eta iraunkortasuna beren eguneroko jardunean integra ditzaten, oinarri gisa errespetua eta ulermenerako ekarpena hartuta.
Gaur egun, Tolosaldeko 32 enpresak hartzen dute parte programa honetan, eta 2026 an zehar enpresa berriak atxikitzeko aukera dago. Interesa duten eragileek garmendia@tolosaldea.eus helbidera idatzi dezakete informazio gehiago lortzeko.
Kode hau Turismoaren Mundu Mailako Kode Etikoaren egokitzapena da, Euskadiko kulturaren eta identitatearen berezitasunetatik abiatuta egina. Helburua da gure izaera definitzen duten balioak baliabide propio bihurtzea, turismo-garapena modu lehiakorrean ulertu eta kudeatzeko.
