Iruñeko Sanduzelai auzoan gertatutako hilketa matxistak gaitzespen zabala eragin du. Apirilaren 13ko goizaldean, 37 urteko emakume bat hil zen etxebizitza bateko hirugarren solairutik erorita. Iruñeko Udaltzaingoak gizon bat atxilotu du gertakariarekin lotuta, biktimarekiko indarrean zegoen urruntze agindua urratzeagatik. Agintariek ikerketa abiatu dute gertatutakoa argitzeko, eta Iruñeko Udalak zuhurtzia eskatu du, hildakoaren familiari eta lagunei babesa adieraziz.
Euskal Herriko mugimendu feministak hilketa matxista salatu du, eta mobilizatzeko deia egin die herritarrei.
Gertaera honek alarma piztu du berriro ere, 2026. urte hasieratik Euskal Herrian eraildako hirugarren emakumea baita. Horren aurrean, Euskal Herriko mugimendu feministak hilketa matxista salatu du, eta herritarrei mobilizatzeko deia egin die. Tolosaldean, hain zuzen, hainbat elkarretaratze antolatu dira apirilaren 14rako, asteartea, gertatutakoa gaitzesteko eta biktimari elkartasuna adierazteko.
Mobilizazioak honako leku eta orduetan egingo dira Tolosaldean:
- Villabona-Zizurkil: 18:30ean, Oinezkoen zubian.
- Anoeta: 19:00etan, Plazan.
- Berastegi: 19:00etan, Plazan.
- Tolosa: 19:00etan, Trianguloan.
