Amezketa ko Udalbatzak erabaki du Bedaio auzoa Tolosako udalerritik banandu eta Amezketako udalerriari atxikitzeko prozesuak aurrera jarraitzea. Erabaki honek, auzoaren integraziorako urrats garrantzitsua suposatzen du.
Prozesuaren oinarrian Bedaio eta Amezketaren arteko lotura historiko, geografiko eta soziala dago. Gaur egun Bedaio Tolosako udalerriaren parte den arren, Amezketarekin harreman estua mantentzen du, bai hurbiltasun fisikoagatik, bai eguneroko bizitzan sortzen diren loturengatik.
Bi udalak, Amezketakoa eta Tolosa koa, elkarlanean aritu dira prozesua bideratzeko, eta bi erakundeek beren udal-organoetan aldeko jarrera adierazi dute aho batez.
Azken hilabeteetan, udalek, Siadeco enpresak eta Bedaioko auzotarrek prozesuaren ibilbide-orria zehaztu dute. Herritarrei informazioa emateko hainbat ekimen antolatu dira, hala nola, ekainaren 23an Amezketako Kultur Etxean egindako informazio-saioa, prozesuaren nondik norakoak azaltzeko eta zalantzak argitzeko.
Ondoren, ezarritako prozedurari jarraituz, beharrezko izapide administratiboak gauzatuko dira Bedaio Amezketako udalerriari atxikitzeko prozesua burutzeko.
Amezketako Udalak azpimarratu du lankidetza instituzionala eta herritarren parte-hartzea funtsezkoak direla prozesu honetan. Udalak jarraipena emango dio bilakaerari eta datozen urratsei buruzko informazioa zabalduz.
Bedaio eta Amezketaren arteko harreman luzeak kontuan hartuta, prozesu honek lotura horri administrazio-mailako erantzuna emateko aukera eskaintzen du.
