Gaur, ostirala, Alegiako taldeak Eibarren aurka jokatuko du Herriarteko Paleta gomaz txapelketaren bigarren jardunaldian. Partidak Elorri pilotalekuan izango dira, arratsaldeko 19:45ean hasita, banaka, binaka eta banaka 7aren barruan.

Horrez gain, arratsaldeko 18:00etatik aurrera, eskuz banaka eta binakako partidak jokatuko dira. Gizonezko infantil mailako Intxurrek Gaztelekuren aurka neurtuko ditu indarrak, eta kadete mailako Azpilikuetak Tolosako Juantorenaren aurka eta Mendiak Mundarroko Anzaren aurka arituko dira.

Igandean, Elorri pilotalekuak Herriarteko eskuzko txapelketako hiru partida gehiago hartuko ditu, Alegia eta Aretxabaletaren arteko itzulerako jardunaldian.

Kirol eskaintza osatzeko, Elorri Aldapa Saskibaloi Klubak 3x3 saskibaloi txapelketa antolatu du infantil eta kadete mailetako gazteentzat. Txapelketa datorren larunbatean, maiatzaren 16an, jokatuko da Elorri pilotalekuan, arratsaldeko 16:00etan hasita. Talde mistoak onartzen dira, lau jokalarirekin, horietako bi gutxienez infantil mailakoak izanik. Izena emateko azken eguna maiatzaren 9a da.

Kultur arloan, Trapu Zaharra taldeak Azkena eta bagoaz kale ikuskizuna eskainiko du gaur arratsaldean plazan, 19:00etan hasita.