Gurutzeko auzoko EAJ-PNV ren batzokian Ertzaintzaren aurkako "irainak eta mehatxuak" zituzten pintadak agertu dira gaur goizean. Bizkaiko alderdi jeltzaleak "onartezintzat" jo ditu ekintza hauek eta salatu du "talde politiko batzuek" euskal polizia "beren estrategia politikoaren tresna nagusi gisa erabiltzea" erabaki dutela.
Pintadak Loiuko aireportuan ertzainen eta Gazara zihoan flotillako kideen artean izandako istiluaren inguruko polemikaren erdian agertu dira. Gertaera horien harira, Bingen Zupiria Segurtasun sailburuak gaurko agerraldia du.
Jeltzaleek "gure polizien lana etengabe zalantzan jartzen duten" eta "haien gobernuan dauden udalerrietan segurtasun ardurak uzten dituzten" taldeei zuzendu zaizkie. Zehazki alderdi politikorik aipatu gabe, adierazi dute ekintza mota hauek bultzatzen dituztenek "begi-bistakoa dela, beste batzuek iraintzen, erasotzen edo fatxadak edo hiri-altzariak suntsitzen dituztenean beste aldera begiratzen dutela".
“"Quienes pretenden intimidar desde el odio no representan a la sociedad vasca."
Barakaldoko EAJ-PNV k sare sozialen bidez gaitzespen irmoa egin du, "ekintza koldar eta faxistatzat" joz. "Gorrotsetik mehatxatu nahi dutenek ez dute euskal gizartea ordezkatzen", ohartarazi dute.
