Getxoko udal-teknikariek, adinekoen elkarteetako kideek eta gizarte- zein komunitate-eragileek parte hartu dute jardunaldi batean, datozen urteetarako lehentasunak eta jarduera-ildo berriak zehazteko. Hainbat lan-mahatan banatuta, garraioa, etxebizitza, espazio publikoak, gizarte- eta osasun-zerbitzuak, inklusioa, belaunaldien arteko harremanak, kirola eta kultura bezalako gaiak landu dituzte.
Carmen Diazek, Gizarte Kohesioko zinegotziak, azpimarratu duenez, egitasmoak herritarren esperientzian eta eguneroko bizitzan oinarritu behar du. Azpiegituren, bizikidetzaren, gizarte-kohesioaren, belaunaldien arteko justiziaren eta espazioak, zerbitzuak eta harremanak antolatzeko moduen inguruko ikuspegiak bildu nahi dira, Getxo "adin guztietako pertsonentzat bizitzeko udalerri hobea izan dadin".
Proiektu hau duela ia hamar urte abiatu zen, Osasunaren Mundu Erakundearen (OME) Hiri eta Komunitate Lagunkoien ikuspegia udalerrian txertatzeko helburuarekin. Udalak gogorarazi duenez, gizartea aldatu egin da eta "Getxo atseginago bat eraikitzea udalerri osoari dagokion zeregina da". Horretarako, zahartzearen gaia ikuspegi komunitario eta partekatu batetik lantzea ezinbestekoa da.
