Udazkeneko denboraldiari hasiera emanda, Bilboko Udaleko Osasun eta Kontsumo Arloak urtero bezala jarri du martxan Onddoen Identifikazio Zerbitzua. Zerbitzu honek doako aholkularitza eskaintzen die mikologiazaleei, jasotako aleak kontsumorako seguruak diren zehaztuz eta balizko intoxikazioak saihestuz.
Zerbitzua Cristo kaleko 1 zenbakiko 5. solairuan kokatutako Osasun eta Kontsumo Arloaren bulegoetan eskainiko da. Ordutegia urriaren 19tik aurrera, urri eta azaro hilabeteetako astelehenetan izango da, 9:30etik 13:30era. Egun horietatik kanpo, hitzordua aurrez eskatu daiteke 94 420 49 24 eta 94 420 49 63 telefonoetara deituta.
Arloak gomendatzen du pertsona biltzaileak berak hurbiltzea zerbitzura, habitatari eta inguruneari buruzko datuak eman ahal izateko. Era berean, komenigarria da espezie bakoitzeko ale batzuk eramatea, osorik eta moztu gabe, eta ez nahastea.
Gainera, Bilboko Udalak gogorarazten die mikologiazaleei ale helduak eta osasuntsuak bakarrik bil ditzatela, eta ahalik eta lasterren kontsultatzea (gehienez bi egunera), plastikozko poltsarik gabe eta hozkailuaren behealdean gordeta.
