Aurtengo edizioan, guztira 17 konpainiak hartuko dute parte: sei Euskal Herrikoak, zazpi estatukoak eta lau nazioartekoak. Programazioak sei estreinaldi absolutu, estatu mailako estreinaldi bat eta Euskadiko lau estreinaldi ere izango ditu.
Emanaldiak hainbat agertokitan izango dira, hala nola La Fundición, Harrobia, Bilborock eta Campos Antzokiko Kupula Aretoa.
Aurten, Dantzerti ere jaialdiaren programazioan integratuko da, bertan ospatuko baita EDADEI 6 topaketen edizioa. Jardunaldi honek arte eszenikoetan hezkuntza, ikerketa eta bitartekaritza uztartzea du helburu.
Jaialdiak doako hainbat jarduera ere antolatu ditu. Horien artean, urriaren 16an EDADEI 6 topaketak eta hilaren 17an Parkuir izeneko proposamena La Fundiciónen. Gainera, urriaren 25ean, Bilborocken, Fiestas Invisibles zuzeneko dokumentala proiektatuko da.
