Egaz Txorierri ren lankidetzarekin, udalek Lanbide-Euskal Enplegu Zerbitzuaren deialdiari helduko diote. Ekimen honen helburua da eskualdeko langabetuei lan aukera berriak eskaintzea eta beren gaitasunak eta laneratzeko aukerak hobetuko dituen lan esperientzia ematea.
Aurrekontu osoa 384.931,41 eurokoa izango da; horietatik 123.962 euro diru-laguntza zuzena da eta 260.969,41 euro udalek beren gain hartutako ekarpena.
Kontratazioak honakoak izango dira: Derion bi peoi eta kontserje bat; Larrabetzun bi peoi; Lezaman peoi bat; Loiun peoi bat eta administrazio laguntzaile bat; Sondikan peoi bat eta administrazio laguntzaile bat; eta Zamudion peoi bat eta bi administrazio laguntzaile.
Interesa dutenek langabetuak egon behar dute eta Lanbiden izena emanda, eskaintzen diren baldintzak betez. Izena emateko epea abenduaren 2ra arte egongo da zabalik, nahiz eta eskaintza bakoitzaren arabera alda daitekeen.
