Bilboko Udala k eta Nervión-Ibaizabal eta Cadagua arroen inguruko administrazioek eta erakunde eskudunek 2023ko urtarrilaren 27an sinatutako asmoen protokoloa lau urtez luzatzea adostu dute. Akordioak, Bilbo ren inguruko arroetan garatzen diren proiektu eta jardueretarako lankidetza-esparru bat ezartzen du.
Joan den 2026ko urriaren 13 an egindako Jarraipen Batzorde Mistoaren bileran aho batez onartu zen luzapen hau, eta gaur udalaren Gobernu Batzordean berretsi da. Horrela, akordioaren indarraldia 2031ko urtarrilaren 27 ra arte luzatuko da.
Protokoloaren helburuen artean daude irizpide eta proiektu bateratuak indartzea eta esparru horietan administrazio-baimenen izapidetzea arintzea, lankidetza, elkarlana eta koordinazio printzipioetatik abiatuta. Era berean, arroko ur-azalaren, kaiaren eta ertzen ingurunearen ikuspegi integratu eta zeharkako bat sustatzen du, interes publikoak, kulturalak, hezitzaileak eta ingurumenekoak bateratuz.
Luzapenaren gehigarriak ez du aldatzen 2023an sinatutako protokoloaren gainerako klausulak, eta horiek baldintza eta modu berean mantenduko dute baliozkotasuna.
Protokoloak eta bere luzapen-gehigarriak honako administrazio eta erakunde publiko hauen parte-hartzea dute: Ayuntamiento de Bilbao, Ministerio para la Transición Ecológica y el Reto Demográfico, Ministerio de Transportes y Movilidad Sostenible, Dirección General de la Marina Mercante, Autoridad Portuaria de Bilbao, Agencia Vasca del Agua (URA) eta Consorcio de Aguas Bilbao Bizkaia.
