Barakaldo izango da larunbatean “Barakaldo Josten 2026” moda jasangarriaren lehiaketaren Bizkaiko finalaren egoitza. Ekimen honek, Barakaldoko Udalak bultzatutako “Retos de Innovación Abierta 2026” lehiaketan “Innovación en Acción” saria jaso zuenak, hiru emakumezko talde bilduko ditu Clara Campoamor Zentroan. Bertan, lau orduko epean (10:00etatik 14:00etara), udalerriko hainbat komerziotatik jasotako hondakin textilak erabiliz, jantzi oso bat sortuko dute.
David Solla, Inguraldeko presidentea, nabarmendu duenez, "esperientzia paregabea" izango da zuzenean ikustea, eta hiru helburu betetzen ditu: "tokiko talentua babestea, ekonomia zirkularra bultzatzea eta ingurumenaren kontzientzia sustatzea".
Aurretik prestakuntza eta material aukeraketa faseak gainditu dituzten taldeek beraien sormen prozesua hasiko dute goizeko 10:00etan. Epea 14:00etan bukatuko da, eta ondoren, proposamenak aurkeztuko zaizkio epaimahaiari. Epaimahaia Koopera eta ACE Barakaldo ko ordezkariek, eta Javier Palacios diseinatzaile barakaldarrak osatuko dute.
Epaiaren erabakia irailaren 29an, asteartean, ere Clara Campoamor Zentroan bertan emango da ezagutzera. Ekitaldi horren aurretik, mahai-inguru bat egingo da tokiko merkataritzari buruz, eta ondoren, sortutako lan guztien desfilea izango da. Talde irabazleko parte-hartzaile bakoitzak 200 euro jasoko ditu tokiko saltokietan gastatzeko. Irabazle nagusiak, gainera, Bizkaia ordezkatzeko aukera izango du “Euskadi Josten 2026” finalean, azaroaren 14an Bilbon ospatuko dena.
“Barakaldo Josten 2026”, Agencia Duara ren proposamen bat da, eta Barakaldoko Udalak eta Bilbao Metropoli 30 ek elkarlanean bultzatutako “Retos de Innovación Abierta” lehiaketako sarietako bat eskuratu zuen. Helburua da modan interesa duten pertsonen parte-hartzea sustatzea, baita kontzientzia sozial eta ingurumenekoa ere, hondakin textilak berrerabiliz jantziak sortzeko.
Lehiaketak hainbat fase izan ditu aurretik. Apirilean parte-hartzaileak aukeratu eta taldeak sortu ziren. Maiatzean, hautatutako bederatzi emakumeek Javier Palacios diseinatzailearen tailerrean masterclass bat egin zuten, eta bertan aukeratu zituzten materialak. Gainera, 10 Barakaldoko establezimenduk parte hartu dute prozesuan, besteak beste, Tapicería Santamaría, PC Box Barakaldo, Bizi Slow eta Bizi Granel.
