Zarauzko Motxian-Etxebeltz bertsoguneak antolatutako Bertso Astea hasiko da gaur, osteguna, 22:00etan, Torre Luzeako parkean egingo den bertso musikatuen emanaldiarekin. Bertan, herriko zenbait bertsolari gaztek hartuko dute parte.
Egitarauak ostiralean jarraituko du Frontoi Txikian, 18:30ean, bertso-pelota saio batekin. Bertan, bertako Motxian-Etxebeltz eskolako gazteak eta Urretxu-Zumarragakoak nor baino nor arituko dira, bertsotan zein pilotan.
Era berean, ostiralean bertan, 22:00etan, bertso-desafioa izango da Torre Luzeako parkean (euria eginez gero, Merkatu Plazan). Bertan, Motxian-Etxebeltz taldeko Adei Urbitarte, Hodei Iruretagoiena eta Urko Arakistain arituko dira aurrez aurre Urretxu-Zumarragako bertso-eskolako Uxue Fernandez, Beñat Torres eta Antton Fernandez-ekin. Onintza Gartzia eta Manu Goiogana izango dira gai-jartzaile.
Bertso Astea larunbatean amaituko da, 'Bertso-Eguna' ospatuz. Goizeko 10:30ean, Musika-plazan, hamaiketakoa izango da, eta ondoren, Txepelketa eta bazkaria Urpekoak elkartean.
Bertsozale guztiak gonbidatuta geratzen zarete.
