Aurtengo Lazkaomendiko jaietako herri kirol desafioan, Urretxu-Zumarragako taldea izan da nagusi, garaipena lortuz. Lehiaketak inoiz baino parte-hartzaile gehiago bildu zituen, zortzi talde hain zuzen ere, eta Ixurreneko kanpa jendez gainezka egon zen ikuskizuna jarraitzeko.

Lehen kanporaketan zazpi taldek hartu zuten parte, Lazkaomendiko beteranoak zuzenean finalera sailkatu baitziren. Kanporaketa horretan, Beasain (10.41) eta Idiazabal (11.40) lehen txandan lehiatu ziren; Lazkaomendiko gazteak (10.51), Ataun (11.21) eta Gabiria (14.21) bigarrenean; eta Urretxu-Zumarraga (10.00) eta Segura-Zerain (11.53) hirugarrenean.

Final handian, Lazkaomendiko beteranoak, Beasaingoak eta Urretxu-Zumarragakoak aritu ziren nor baino nor. Urretxu-Zumarragako taldeak hasieratik hartu zuen abantaila, eta erritmoari eutsi zion amaierara arte, 16.37ko denborarekin garaipena eskuratuz. Bigarren postuan Lazkaomendiko beteranoak sailkatu ziren (17.26), eta hirugarren Beasaingoak (18.28).