Idiazabal Anitza proiektuaren baitan, Gineako dantzen oinarrizko mugimenduak ezagutzeko aukera izango dute herritarrek. Jarduera 17:00etan hasiko da eta adin zein esperientzia maila guztietako pertsonei dago zuzenduta, dantzaren bidez beste errealitate batzuetara gerturatzeko asmoz.
Saioa gidatzeaz Maddi Kazabon arduratuko da. Gainera, parte hartzaileek zuzeneko musikaz gozatzeko aukera izango dute, Yamoussa eta Cara Camara musikariek eskainiko duten emanaldiarekin.
Udalaren arabera, ekimen honek herriko aniztasuna balioan jartzea eta komunitate kohesionatuago bat eraikitzea du xede. Parte hartzea irekia eta doakoa izango da, eta ez da aurretiazko ezagutzarik behar.
