Eusko Jaurlaritzak hainbat gomendio plazaratu ditu beroaldiari aurre egiteko, hala nola etxeak fresko mantentzea, deshidratazioa saihestea eta eguerdiko orduetan eguzkitik babestea. Neurri horiek jarraituz, kaleak hutsik ageri dira bero handieneko orduetan.
Udal askok San Joan bezperako suak bertan behera uztea edo neurri zorrotzekin egitea erabaki dute. Bestalde, hainbat establezimenduk ordutegiak aldatu dituzte, arratsaldetan beranduago irekiz, langileen eta bezeroen segurtasuna bermatzeko.
Freskatzeko beharra dela eta, igerilekuak eta ur parkeak jendez gainezka daude. Legazpiko Telleriarte eta Brinkola auzoetako putzuak dira herritar askoren helmuga, baita Zaldibiako Amundarain errekako guneak ere, non herritarrek hondartza moduko espazioak sortu dituzten.
