Aurtengo edizioan, Lazkaok erraldoien topaleku gisa sendotu du bere posizioa, zazpi herritako konpartsak bilduz. Bertan izan dira Pasaiako, Lekeitioko, Errenteriako, Legazpiko, Ibarrako eta Herrialde Katalanetako Villasar de Dalt herriko erraldoiak, Lazkaoko konpartsarekin batera.

Jaiaren hasiera atzo izan zen, udaletxean egin zen ongietorri ekitaldiarekin. Gaur goizean, 10:30ean, bilkurako erraldoien erakusketa bat antolatu da TPT plazan, eta ondoren, 11:00etan, erraldoi eta buruhandi guztiak herrian zehar ibili dira, musikaz lagunduta, kalejira koloretsu batean.

Ekitaldiak herritarren gozamenerako izan dira, bai gazteenen bai helduenen artean. Erraldoien kalejirak Lazkaoko kaleak doinu eta kolore biziz bete ditu. Gainera, atzoko Errealaren garaipenari keinu egin dion erraldoi bat ere ikusi ahal izan da, soinean bufanda zuri-urdina zuela.