Jaione Gurrutxagak, Migel eta Begoña gurasoek 1961eko apirilaren 29an irekitako tabernaren urteurrena ospatu zuen atzo. Legazpiko taberna enblematiko hau familia beraren esku egon da sortu zenetik, eta etorkizunean ere hala jarraituko duela baieztatu dute.
Atzoko ospakizunak erantzun zabala izan zuen, eta bertan izan ziren familia osoa, langileak zein langile ohiak, lagunak, bezeroak eta Legazpi ia osoa. Giro paregabea sortu zen tabernaren inguruan.
Festak hainbat ekitaldi izan zituen: erraldoiak eta dultzaineroak, dantzariek eskainitako larrain dantza, bertsoak, kantuak eta musikari gazte talde baten emanaldia ere izan ziren.
Atzoko festak izandako erantzunak urte askotarako indarra eman dio gaurko arduraduna den Jaioneri.
Guztien artean sortutako giroak festa ahaztezina bihurtu zuen Gurrutxaga tabernaren inguruan ospatutakoa.
