Urretxu eta Zumarraga udalerriek, Elhuyar ren laguntzarekin, AROA izeneko parte-hartze prozesua abian jarri dute, 2035 era arteko Euskararen Plan Estrategikoa diseinatzeko helburuarekin. Plan honen bitartez, bi herriak herri euskaldun gisa indartu nahi dituzte, eta horretarako, herritarren iritzia eta parte-hartzea funtsezkoak dira.

Prozesuaren lehen fasean, herriko euskararen egoerari buruzko ikuspegia, beharrak, motibazioak, kezkak eta nahiak bildu zituzten. Ondoren, lehen parte-hartze saioan, datozen urteetarako planaren erronka nagusiak identifikatu zituzten.

Orain, azken saioa geratzen da, euskararen alorrean identifikatutako erronken ekintza nagusiak zehazteko. Horregatik, udalerriek herritarrak eta eragileak parte hartzera gonbidatu nahi dituzte.

Topaketa bihar, asteazkena, izango da, 18:00 etan, Zumarragako Zelai Arizti kultur etxean.