Arratsaldeko 19:15ean hasiko da jaialdia Elektropottotte taldearen emanaldiarekin. 2022an Lasarten eta Andoainen sortutako talde honek "kaleak eta gorputzak astintzeko" prest dagoela adierazi du. Ondoren, afari bateratua egingo da, eta txartelak bertan erosi ahal izango dira.

Iluntzean, bost artista igoko dira gaztetxeko oholtzara. Dracanis ek, drag-aren bidez, "munduari irribarre bat eskaintzen" dio, "bizitzaz gozatzeko eta dena posible dela erakusteko". Andrigina k, berriz, clown drag, androginia eta genero-adierazpenen mugekin jokatzen du bere emanaldian.

Latxa Marramatxa k, "artaldearen ohiko bideetatik aldentzen den ardi ausarta" gisa deskribatua, euskal dantzak oinarri hartuta tradizioa eta desobedientzia uztartzen ditu. Boloma bikoteak, bestalde, zunba saio bat eskainiko du jaialdian, herritarrak dantzan jartzeko asmoz.

Gaueko amaiera DJ Eromena ren esku egongo da, funk carioca, bass, bouyon, hip hop eta dancehall doinuak nahastuz, dantza eta afrofusioa protagonista dituen giroa sortuz. Emanaldietarako sarrerak bost euroko prezioa izango du eta gaztetxean bertan erosi ahal izango da.