Urrestillako San Joan festek bukaerara iristen ari dira, eta gaur San Joan Txiki eguna ospatu dute. Ohiturari jarraiki, sagardo dastaketarekin hasi dute eguna herritarrek eguerdi partean. Aurten, Txikuri pilotalekuan kanpoko catering baten bidez prestatu eta zerbitzatu dute bazkaria, sagardotegiko menuarekin.
Bazkalostean, mus txapelketa izan da, eta arratsaldean puzgarriekin eta haurren meriendarekin borobilduko dute eguna. Biharko, San Joan Hirugarrena, izango da aurtengo jaietako azken eguna.
Gaur, osteguna: San Joan Txiki eguna - 16:00. Puzgarriak. - 17:30. Haurren merienda. Bihar, ostirala: San Joan Hirugarrena - 17:00. Umeentzako jolasak. - 18:30. Patata tortilla lehiaketa. - Ondoren, zuhaitzaren entierroa.
