Izena ematen duenak kamiseta oroigarri bat jasoko du. Gainera, 300 euroko balioa duen QLED telebista baten eta Goskoa elkarteak eskainitako 30 produktu-sorta baino gehiagoren zozketan parte hartuko du. Irailaren 20ra arteko izen-emateek 10 euroko prezioa izango dute; lasterketaren aurreko astean, berriz, 15 eurokoa izango da.
Dortsala eta kamisetak irailaren 25ean, 17:00etatik 21:00etara, eta irailaren 26an, 10:00etatik 13:00etara jaso ahal izango dira. Lasterketa egunean bertan ere egongo da aukera, 09:30etik 10:30era, irteera-gunean.
Udalak herritar guztiak parte hartzera animatu ditu, lasterketa herrikoi eta guztiontzat pentsatua baita, federatua izan ala ez.
Egitaraua honakoa da: Irailak 27an, 10:30ean hasiko dira Txupete lasterketak (2017an eta ondoren jaiotakoak, 480 m). Ondoren, Benjaminak (2015-2016, 480 m), Alebinak (2013-2014, 920 m) eta Infantilak (2011-2012, 1.400 m) izango dira. 11:30ean, Gazteak, juniorrak, seniorrak eta beteranoak arituko dira lehian; egokitutako kategorian 5.000 m eta gaitasun osoa dutenentzat 10.000 m.
