Familiek online edo haurreskolan bertan aurkeztu ahal izango dituzte eskaerak. Izapidea Haurreskolak Partzuergoaren webgunearen bidez edo zuzenean haurreskolan egin daiteke.
Izena emateko epea amaitu ondoren, behin-behineko zerrendak azaroaren 16an argitaratuko dira. Azaroaren 17an erreklamazioak aurkeztu eta akatsak zuzendu ahal izango dira, eta azaroaren 19a izango da eskaerari uko egiteko azken eguna. Behin betiko zerrendak azaroaren 20an argitaratuko dira.
Plaza lortzen duten haurrak abenduaren 1ean hasi ahal izango dira haurreskolan. Familiek onarpen-arauak eta plazak esleitzeko irizpideak Haurreskolak Partzuergoaren webguneko «Informazio orokorra» atalean kontsultatu ditzakete.
Zalantzak argitzeko edo zerbitzuaren inguruko informazio gehiago jasotzeko, familiek Zornotzako Haurreskolarekin harremanetan jar daitezke 94 673 03 46 telefono-zenbakira deituta.
