Orioko taldeak garaipen bikaina lortu du, erlojupeko formatuan jokatutako estropadan nagusituz. Hasieratik erritmo sendoa ezarri zuten, eta estropada osoan zehar erakutsitako sendotasunari esker, lehen postuan helmugaratu ziren, 12:49,64 denborarekin. Bigarren postuan Getxok amaitu zuen, 12:58,83 denborarekin, eta hirugarrenean, berriz, Mundakak, 13:04,59 eginda.

Emaitza honi esker, Badok 13 lider da ligako sailkapen orokorrean, guztira 59 punturekin. Hurbileneko aurkaria Getxo du, 55 punturekin, eta hirugarren postuan Zumaia dago, 46rekin.

Bestalde, beteranoen bigarren ontziak ere lan txukuna egin zuen asteburuan. Izan ere, bigarren multzoan arituta, bosgarren postuan amaitu zuen estropada, taldearen "bilakaera ona berretsiz eta etorkizunari begira sentsazio positiboak" utziz.

Asteburu honetan, erronka berriak izango dituzte bi taldeek. Lehenengo ontzia Kantabriako Pontejoseko Banderaren bila ariko da, eta bigarrenak, berriz, Castroko Bandera jokatuko du. Bi estropadak San Salvador ibaiaren inguruan jokatuko dira.