Jardunaldi honetan, parte-hartzaileek industria-inguruneetan erabiltzen diren azken teknologien berri izango dute, hala nola automatizazio elektrikoa, mugimenduaren kontrola eta mantentze prediktiboa. Helburua da irakasleek teknologia horiek beren ikasgeletan eta prestakuntza-proiektuetan nola txertatu aztertzea.
Bertaratzen direnek Festo AX sistemaren bidez mantentze prediktiboaren oinarriak eta aplikazioak ulertuko dituzte, baita mugimenduaren kontrolerako eta automatizazio elektrikorako soluzio nagusiak identifikatu ere. Gainera, aplikazio industrialak diseinatu eta dimentsionatzeko doako tresna berrien erabileran hasiko dira.
Saioa praktikoa izango da, aurkezpen teknikoak eta maketa zein ekipo errealekin egindako erakustaldiak uztartuz. Jardunaldia doakoa da, baina plaza mugatuak dira eta izena emateko epea urriaren 16ra arte egongo da zabalik, edo plazak bete arte.
Egitarauak goizeko 09:15etik 13:45era bitarteko saioak aurreikusten ditu, harrera, aurkezpenak, teknologiaren inguruko azalpenak, kafe-pausa eta esperientzien trukea barne.
