Zaldibarko Udala k 2027ko aurrekontu parte-hartzaileetarako proposamenak aurkezteko epea zabaldu du. Herritarrek azaroaren 26ra arte izango dute euren ideiak, proposamenak eta proiektuak aurkezteko aukera. Horretarako, bi bide jarri ditu udalak eskura: batetik, udaletxeko bulegoetan inprimakiak betez; bestetik, liburutegian jarritako kutxan orriak betez. Proposamenak aurkezteko epea azaroaren 26an amaituko da.
Epe hori amaitu ondoren, udalaren bulego teknikoak aztertu egingo ditu proposamenak, ea bideragarriak diren eta udalak ezarritako aurrekontu-partida gainditzen duten zehazteko. Izan ere, Zaldibarko Udala k 20.000 euro ko partida prestatu du 2027ko aurrekontu parte-hartzaileetarako.
Proposamenak bozkatu ahal izateko epea urtarrilaren 21 ean irekiko da, eta egun horretan udal batzar irekia deituko du udalak. Ondoren, ideiak Internet bidez bozkatu ahal izango dira otsailaren 3 ra arte. Azkenik, irabazle suertatu diren ideiak 2027ko udal aurrekontuan sartuko dira.
2027ko aurrekontu parte-hartzaileez gain, Zaldibarko Udala k jakinarazi du 2025eko eta 2026ko irabazleek osatutako proiektuak ere martxan dituela. Olazarreko txorroten berritze lanak urte amaiera baino lehen hasiko dira eta udaberrian erabili ahal izango dira. Bestalde, Gernikako Arbola plazaren berritze lanak 2027a baino lehen lizitatuko dira. Bertan, zuhaitzen presentzia %30 handituko da eta gune berdea %70. Horrez gain, material organikoaz egindako jolasgune bat sortuko da.
