Berrizko Gurea udal pilotalekuak bere lehen urtemuga ospatu zuen joan den ostiralean, bertso eta pilota jaialdi batekin. Ekitaldiak bertsozale eta pilotazale ugari bildu zituen frontoian.
Bertso saioan, Beñat Gaztelumendi eta Iker Zubeldia aritu ziren kantuan. Gaztelumendi, bikote gorriaren botilleroa izan zen, eta Zubeldia, berriz, urdinarena.
Pilotariak ere lehian aritu ziren. Emakumezkoen partidan, Goiuri Zabaleta eta Itxaso Erasun (urdinak) 22-14 nagusitu zitzaizkien Laia Salsamendi eta Nora Mendizabal (gorriak) bikoteari. Gizonezkoetan, berriz, Iker Urmeneta eta Alex Juaristi (gorriak) 22-20 irabazi zioten Mikel Goñi eta Jon Erasun (urdinak) bikoteari. Emaitza horiek tarteko, bertsolari bakoitzak puntu bana eskuratu zuen.
Atsedenaldietan, Gaztelumendik eta Zubeldiak pilotariei aholkuak eman eta publikoarekin harremanetan jarri ziren. Gaztelumendik amaitu zuen saioa, herritarrei "herri egiten gaituzten guneetan" biltzeko deia eginez.
