Gasteiz izango da ostegun honetan, ekainaren 4an, hasiko den eta ekainaren 14ra arte iraungo duen Arabako Pintxoaren Astea ren egoitza nagusia. Ekitaldi gastronomiko hau SEA Ostalaritzak eta Miniature Cooking Experience egitasmoak antolatu dute, Gasteizko Udalaren eta Arabako Foru Aldundiaren babesarekin. Bertan, 2026ko Arabako Pintxo Txapelketako 12 establezimendu finalistek beren pintxoak eskainiko dituzte.
Txapelketaren finalerdiak joan den astean egin ziren Mendizorrotzako Ostalaritza Eskolan, eta final handia, berriz, ekainaren 17an izango da, Peña Vitorianan, aurkezpenean iragarri dutenez.
“"Arabako Pintxoaren Astea aukera paregabea da gure gastronomiako profesionalen eskutik miniaturazko sukaldaritzako produktu goxo hauek dastatzeko. Gasteiztarrei eta aste hauetan bisitan datozenei zuzendutako ekitaldia da."
“"Ekimenak helmuga gastronomiko gisa indartzen gaitu eta gure ostalaritza sektorean jarduera sortzen du. Mokadu oso desberdinez gozatu ahal izango dugu, baina denek dute ezaugarri komuna: kalitatezko lehengaiak dituzte, eta maitasun handiarekin eginda daude."
Antolatzaileek 2026ko Arabako Pintxoaren Astearen xehetasunak ere eman dituzte. Publikoari beren proposamenak eskainiko dizkieten ostalaritza lokalak honakoak izango dira: Asador Sagartoki ('San Pru' pintxoarekin), Café ÉJazz ('Bocado de Sirena'), Cómeme ('Piparratun'), Dolar Coreses ('Volcán del Norte'), Manolenta Restaurante ('Oido Co-china'), Restaurante Antojo ('Komarka'), Restaurante Mexicano y mucho más ('Mar y médula'), Restaurante El Tabanko ('La reina negra de Álava y sus vasallos'), Restaurante Muskari ('Lambarda') eta Restaurante RG ('Un guisito redondo').
Pintxo guztien prezioa 3,5 eurokoa izango da. Publikoak gustukoen duenaren aldeko botoa eman ahal izango du, eta boto gehien jasotzen dituenak Sari Herrikoia jasoko du. Epaimahai profesionalak aukeratutako proposamen irabazleak, aldiz, Espainiako Pintxoen Txapelketan lehiatuko du.
