Lan hauen helburua aparkalekua behin betiko egokitzea da, datozen urteetan zehar eta ekitaldi desberdinetan erabili ahal izateko. Proiektuaren barruan, aparkalekua auto eta furgonetentzat egokituko da, eta galiboak jarriko dira kamioien sarrera mugatzeko. Autobusentzat, berriz, errepidearen ondoko aparkalekuak erabiliko dira.
Beheko irteerako galiboa mugikorra izango da, ekitaldi berezietan beharrezkoa denean sarbidea egokitu ahal izateko. Trafikoa ere antolatuko da: sarrera goiko aldetik egingo da eta irteera beheko aldetik, ibilgailuen arteko gurutzaketak saihesteko.
Guztira, 100 ibilgailu inguru aparkatzeko lekua egokituko da. Horrez gain, bidegorriaren sarrera hobetu eta seguruago egingo da, eta aparkalekuetan lurzoru iragazkorra erabiliko da, belarra haztea ahalbidetzen duen azalera, esaterako.
Obraren kostua 796.005,05 eurokoa izan da guztira, BEZa barne.
