Datozen asteetan, Usurbil ek bere nortasuna eta abian dituen proiektu eraldatzaileak nabarmenduko ditu turismo eskaintza berezi baten bidez. 650 Usurbil Bizi ekimenak ekainaren amaierara arteko egitaraua aurkeztu du, bisita gidatuak eta hainbat ekitaldi kultural barne.

Asteburu honetan, bi bisita gidatu berezi egingo dira. Maiatzaren 10ean, igandea, sagardoaren kulturari eskainitako ibilbidea izango da, Santueneako Aialde Berri sagardotegian amaituko dena. Aurretik, maiatzaren 9an, larunbata, Museo Irekia bisita gidatua egingo da, Usurbil go kaleetako kultur sorkuntza ezagutzeko.

Horrez gain, Remigio Mendiburu k Udarregi bertsolariaren omenez sortutako eskulturaren 60. urteurrena ospatuko da. Eskultura 1966ko maiatzaren 22an inauguratu zen, eta urteurren hori dela eta, NOAUA! Kultur Elkartea k eta 650 Usurbil Bizi k ekitaldi bereziak antolatu dituzte maiatzaren 15erako eta 22rako. Ekitaldi horien artean, Oteiza 14 apostolu eta Zutik filmen emanaldiak eta solasaldiak izango dira.

Egitarau osoak beste bisita gidatu batzuk ere jasotzen ditu, hala nola Salbatore Elizaren ondarea ezagutzeko aukera, organo erakustaldiarekin, baita Zero Zabor eta Zaintzaren Usurbil ibilbideak ere. Bisita batzuk gaztelaniaz ere eskainiko dira, hala nola Gerraren memoria ibilbidea.