Txapelketaren 58. edizio honetan, 24 udalerrik eman dute izena eskupilotan. Usurbil go ordezkariak Pagazpe elkarteko pilotariak izango dira: kadeteetan Ekain Alejo eta Markel Alejo; gazteetan, Aimar Alejo eta Enaitz Errasti; eta nagusietan, Xabi Santxo eta Iñigo Ibargoien.

Final hamaseirenak asteburu honetan eta hurrengoan jokatuko dira, eta bertatik aterako diren 16 udalerriekin batera, gainerako zortzi udalerriak, Usurbil tartean, final zortzirenetan sartuko dira. Usurbil en aurkaria Eibar eta Andoain arteko kanporaketako irabazlea izango da. Joaneko neurketa maiatzaren 17ko asteburuan jokatuko da Eibar ren edo Andoain en, eta itzulerakoa maiatzaren 24ko asteburuan Usurbil en.

Fase hori gaindituz gero, Usurbil final laurdenetarako sailkatuko litzateke, eta partida horiek maiatzaren 31ko eta ekainaren 7ko asteburuetan jokatuko lirateke. Aurtengo edizioan parte hartzaile kopurua handitu egin da, hiru herri gehiago eskuz, lau palaz eta beste lau gomazko paletarekin. Gainera, edizio honek garaikur berriak izango ditu, kirol jarduera honetarako erabilitako esparatrapu hondakinekin eginak.

Guztira, 495 pilotarik hartuko dute parte txapelketan. Eskuzko modalitatean 24 udalerri lehiatuko dira, larruzko paleta eta pala motzarekin 10 udalerri, eta gomazko paletarekin 18 udalerri.