Urnietako Oreka Gimnasia Erritmikoko klubeko ordezkariek parte hartu dute eta nabarmendu dira Bergaran ospatutako alebin mailako Gipuzkoako txapelketan. Hainbat domina eskuratuta itzuli dira herrira.

Alebin B kategorian, Jare Quintana gimnastak brontzezko dominak lortu ditu esku libreko modalitatean eta sailkapen orokorrean. Emaitza horiei esker, Euskadiko txapelketarako sailkatu da. Martina Muñoz, bere aldetik, laugarren izan da modalitate guztietan, eta Elena Milenova zortzigarren.

Alebin A kategorian, Amets Salvador nabarmendu da. Urrea lortu zuen esku libreko modalitatean. Horrez gain, bigarren izan da soka modalitatean eta sailkapen orokorrean ere postu bera lortu du. Salvador ere Euskadiko txapelketan izango da.