Udalak Astigarraga ko aurrekontu parte-hartzaileen proiektua aurkeztuko du saio hauetan, eta bertan, Udalaren proiektu, ekimen eta asmoak ezagutuko dituzte bertaratzen direnek. Gainera, Ergobia, Santiagomendi eta Perurena auzoetako bileretan, hurrengo urtean martxan jarriko den herri barruko autobusaren informazioa eskainiko da.
Saioak auzoka egingo dira, guztira 8 bilera. Urriaren 28an, asteazkenean, Urumea Berri eta Arrobitxulo auzoetako saioa izango da Kontxa Etxeberria plazan, 18:00etatik 19:00etara. Hurrengo egunean, urriaren 29an, ostegunean, Ergobiako saioa egingo da Ergobiako plazatxoan, ordu berean.
Azaroaren lehen astean, azaroaren 2an, astelehenean, Santiagomendiko saioa Plazetxen izango da 18:30etik 19:30era. Azaroaren 3an, asteartean, Oialumekoa auzo-biltokian bilduko dira, eta azaroaren 4an, asteazkenean, Perurena auzoko bilera Auzo Biltokian (Auzolan Pilotalekuan) izango da, biak 18:30etik 19:30era.
Azaroaren 5ean, ostegunean, Santiagomendi ekialdeko auzoko bilera Oialumeko auzo-biltokian izango da, 18:30etik 19:30era. Azkenik, Erdigunean bizi diren bizilagunentzat bi aukera eskainiko dira: azaroaren 6an, ostiralean, Joseba Barandiaran plazan 11:30etik 12:30etara, edo arratsaldez, 16:30etik 17:30etara Udaletxeko Plazan.
Bertaratu ezin dutenek ekarpenak Udalaren webgunean dagoen formularioaren bitartez egin ditzakete.
