Oñatiko Udalak bigarren urtez jarri ditu herritarren eskura lorategietako udaberriko loreak, landareak aprobetxatzeko eta bizirik mantentzeko helburuarekin. Ekimen hau 2025eko azaroan hasi zen, udaberri-udako loreak kendu eta negukoak sartzeko garaian, eta herritarrek izan zuen harrera ona ikusita, urtean birritan errepikatu da.
Udako edo neguko landareak lorategien ondoan uzten dira, herritarren eskura. Lorezainek landareak aprobetxatzeko oharrak ere jartzen dituzte. Aurten, begoniak eta alegriak sartu ziren udaberrian, beste landare batzuekin batera, eta oraindik iraun duten aleak dira herritarrek etxera eraman ditzaketenak.
Ekimenaren helburua da landareak hartu, lorontzietan edo beste lursailen batean sartu eta bizirik mantentzea.
