Oñatiko Udala k eta Foru Aldundi ak etxez etxeko laguntza zerbitzua finantzatzeko duten hitzarmena 2027ko irailaren 30era arte luzatzea adostu dute. Zerbitzuaren finantzaketa hiru zutabetan oinarritzen da: udalaren ekarpen nagusia, aldundiaren laguntza eta erabiltzaileen ordainketak, hauen diru sarreren arabera zehaztuta.
Bi erakundeek 2018an sinatutako akordioa 2021ean berretsi zuten, eta ordutik urtez urte berritu da. Irailaren 30ean bete zen azken hitzarmena, eta horren harira erabaki zen luzapena egitea iraileko Osoko Bilkuran.
Etxez etxeko laguntza zerbitzuaren gastua etengabe hazten ari da. 2021ean 752.000 eurotik gora izan zen, eta 2025erako ia 1.166.000 eurotara iristea aurreikusten da. Aurtengo irailera arte, 857.000 euro inguruko gastua zenbatetsi da.
Erabiltzaileek ordaintzen duten tasa mugatua dago, eta gainontzeko kostua Udalak eta Foru Aldundiak ordaintzen dute. Udalaren ekarpena nabarmen handitu da: 2021ean kostuaren ia %59a ordaindu zuen, eta 2025ean %66a izango da. Erabiltzaileek %17a eta Diputazioak gainerako %16a ordainduko dute.
Zerbitzu honek ezintasun maila desberdinak dituzten pertsonei etxeko garbitasuna, janaria prestatzea eta norberaren zaintza bezalako laguntza eskaintzen die astean zehar. Helburua da onuradunen autonomia maila mantentzea, etxean bizi ahal izateko behar duten babesa emanez.
