Mutrikuko Udala k Musika Eskola ko teilatua lagako dio Klik Mutriku Energia Berriztagarrien Komunitatea ri, bertan eguzki-plakak jartzeko. Akordioak 25 urterako lagapena jasotzen du, eta epea beste bost urtez luzatzeko aukera ere badakar.
Instalazioak 23,4 kWp-ko potentzia izango du, eta guztira 40 modulu fotovoltaiko jarriko dira Almirante Gaztañeta kaleko 9. zenbakia n. Proiektuaren helburuak energia berriztagarria sortzea eta tokiko autokontsumo partekatua sustatzea dira. Araudiaren arabera, kontsumo-puntuak instalaziotik gehienez ere 5 kilometrora egon behar dira, beraz, Mutrikuko herritar guztiek sortutako energia erabili ahal izango dute.
Hitzarmenean zehaztu denez, instalazioak sortutako energia kontsumitzaileen artean banatuko da, eta kontsumitzaile nagusiak Klik Mutrikuko bazkideak eta Mutrikuko Udala bera izango dira. Kliketik adierazi dutenez, instalazio honek 40 etxebizitza inguru hornitzeko aukera emango du, eta dagoeneko esleituta daude plazak, 2025eko abenduan egindako bazkidetza kanpainaren bitartez. Gainera, pobrezia energetikoari aurre egiteko, egoera zaurgarrian dauden erabiltzaileentzako plazak gordeko dira, Udaleko gizarte zerbitzuekin elkarlanean.
Klik energia berriztagarrien komunitatea 15 bat herritarrek sortu zuten, Udalak bultzatutako parte-hartze prozesu baten ondoren. Elkarteak aukera eskaintzen du kooperatibaren partaide, bazkide kontsumitzaile edo laguntzaile gisa parte hartzeko.
Instalazio fotovoltaikoa garatzeko, Klik Mutriku k Gipuzkoako Foru Aldundiko Jasangarritasun Departamentua ren dirulaguntza jaso du, proiektuaren kostuaren %75 finantzatzeko.
Musika Eskolako instalazioa komunitateak Mutriku n garatuko duen bigarren proiektua da; lehenengoa ikastolako jolaslekuan egin zen. Aldi berean, Klik Mutriku etorkizuneko instalazio berrien bila dabil, eta datorren urterako hirugarren bat egiteko kokaleku egokia aurkitzea du helburu.
Honela, Mutrikuko Udala k eta Klik Mutriku k energia-eredu jasangarriago, deszentralizatuago eta herritarren parte-hartzean oinarrituago baten aldeko konpromisoa berretsi dute.
