Gizonezkoen Ohorezko Mailan diharduten Debabarreneko taldeek denboraldiko hogeita hamargarren jardunaldia dute aurrean asteburu honetan. Jardunaldi hau bereziki garrantzitsua izango da Mutriku eta Debako Amaikak Bat taldeentzat, jaitsiera postuetatik ihes egiteko borrokan baitaude.
Liga erregularra amaitzeko bost jardunaldi falta direnean, eskualdeko kostaldeko herrietako taldeek irabazi beharra dute, denboraldiaren amaierara estu iritsi ez daitezen. Bai Amaikak Bat ek bai Mutriku k etxean jokatuko dute asteburu honetan, eta horregatik, bi klubetako zuzendaritzek dei berezia egin diete euren zaleei, partida garrantzitsu hauetan taldeak animatzera joan daitezen.
Mutriku k (16. postuan, 25 punturekin), egoera zaila izan arren azken bost jardunaldietan zortzi puntu lortu dituenak, Tolosa indartsua (5. postuan, 47 punturekin) hartuko du bihar, larunbata, 17:30ean. Garaipen berri bat lortu nahi du sailkapenean gora egiten jarraitzeko. Bestalde, Amaikak Bat ek (15. postuan, 27 punturekin) Bergara ren (11. postuan, 33 punturekin) aurka jokatuko du igandean, 16:30ean, Errotazar estadioan. Bergara k ez ditu gauzak batere erraz jarriko.
Izan ere, Bergara k galduz gero, jaitsiera postuetatik ihes egiteko borrokan sartuko litzateke, Debako taldearekiko hiru puntuko aldea besterik ez baituke. Amaikak Bat ek azken zortzi partidetan puntu bakarra lortu du, eta bolada txar horri amaiera eman nahi dio.
Bestalde, Elgoibar eta Urki taldeak lasaiago daude. Euren lanak eginda eta denboraldia ahalik eta postu onenean amaitzeko helburuarekin, Elgoibar Kirol Elkarteko 'Haundi' k eta Eibarko Urki k presarik gabe egingo diete aurre asteburuko partidei. 'Haundi' k (7. postuan, 46 punturekin) Oiartzun (3. postuan, 53 punturekin) hartuko du larunbatean, 17:00etan, Mintxeta estadioan. Oiartzun denboraldi bikaina egiten ari da eta Hirugarren Mailara igotzeko borrokan murgilduta dago.
Eibarko Urki k (9. postuan, 44 punturekin) Lesakara bidaiatuko du igandean, 17:00etan, Beti Gazte ren (12. postuan, 33 punturekin) aurka jokatzeko. Beti Gazte k oraindik ez ditu gauzak guztiz ziurtatuta, eta Bergara ren antzera, Lesakako taldea ere arrisku gunean sartuko litzateke galduz gero.
