Aurtengo edizioak, "Saborea Llodio" lelopean, APILL merkataritza elkarteak antolatu du laugarren urtez, Udalaren babesarekin. Bertako ostalaritzaren kalitatea, sormena eta maitasuna erakutsiko duten pintxoak dastatu ahal izango dituzte auzokideek.
APILLeko gerenteak, Claudio Pérez Bardeci k, bezeroak animatu ditu parte hartzera eta botoa ematera. Pintxorik onena aukeratuko duen herritarrak 1.000 euroko sarien zozketan sartuko da, ekainaren 2an egingo dena APILLen egoitzan.
Parte hartzeko, lehiaketaren inguruko informazio guztia duen desplegablea kontsultatu eta kupoiak bete behar dira, maiatzaren 31ko 22:00ak baino lehen. Gutxienez bost establezimendu zigilatu behar dira, horietako bat kanpoaldean kokatua egon behar delarik. Pintxoak 2 eta 3,75 euro artean egongo dira salgai.
Degustazio egunak gaur, bihar eta igandean izango dira, baita maiatzaren 29tik 31ra ere. Lehiaketak bat egingo du eskualdeko zentroek eskainiko duten kale animazioarekin.
Asteburu honetan, Galego zentroak Galiziako Letren Eguna ospatuko du, Begoña Caamaño kazetari eta idazle feminista omenduz. Hurrengoan, Berrien Jaialdiaren edizio berri bat izango da, eta bertan María Ángeles Arbaizagoitia, ASASAMeko presidentea, omenduko dute bere osasun mentalarekiko dedikazioagatik.
Larunbatean, gaita poteoa, kalejira eta kontzertuak izango dira Meninos do Pandeiro eta Espalladoiro taldeekin, baita bertsolaritza saioa ere Izar Mendiguren eta Xabi Paya rekin. Igandean, berriz, txotxongilo tradizionalen ikuskizuna izango da, "O Galo Quirico e os seus amigos" lanarekin.
Bestalde, Herrien Jaialdiak maiatzaren 29tik 31ra bitartean Plaza Aldain jarriko diren janari tipiko eskualdeko postuak girotuko ditu, musika emanaldi ugari eskainiz. Ostiralean Galaecia (Antonio Molinaren tributua) eta Los de Antes arituko dira; larunbatean, Santa Lucía abesbatza, Aires Flamencos eta Fito-ren kanta ezagunen tributua; eta igandean, Guadalupe de Extremadura, Algaravía de Andalucía, San Fernando de Castilla y León eta Espalladoiro de Galicia taldeek emango diote amaiera XXXVIII. edizioari.
