Kanpaina honetan parte hartzeko, erabiltzaileek Laudio Berrikusi aplikazioa deskargatuta izan behar dute. Ondoren, kanpainan izena emanda dauden saltokietan erosketak egitean, aplikazioaren bidez kupoia aktibatu ahal izango dute. Saltoki parte-hartzaileen zerrenda aplikazioan bertan edo www.laudiocomercial.com webgunean kontsulta daiteke.

Kupoiak trukatzeko prozesua erraza da: aplikazioaren hasierako orrian, LB Klub/Nire kupoiak atalean edo Direktorioa atalean, nahi den saltokia bilatu eta Kupoiak 5 € proposamena aktibo dagoen egiaztatu behar da. Behin saltokia aukeratuta, aplikazioak kode bat eskatuko du, saltokiak emango duena, eta horrela 5 euroko deskontua aplikatuko da erosketan.

Garrantzitsua da jakitea kupoi bakoitza 25 eurotik gorako erosketetarako bakarrik dela baliozkoa, eta erabiltzaile bakoitzak kupoi bakarra trukatu ahal izango duela saltoki bakoitzeko. Gainera, kupoi hauek ezin dira beste bonu edo deskontu batzuekin metatu.