Laudio ko jaietan txertatutako probak korrikalariei erronka berria luzatuko die. Helduen irteera 18:00etan izango da, eta bost minutu geroago emango zaio hasiera umeen lasterketari.
Alpitxu eta Goikogane inguruetatik igaroko den ibilbideak bi horniketa puntu izango ditu eta gehienez 200 parte hartzaile hartuko ditu.
Dortsala 15 euroan egongo da eskuragai uztailaren 22ra arte, eta lasterketa egunean bertan 20 euro ordaindu beharko da.
Izen-ematearekin batera kamiseta bat oparituko da, baina neurri egokia bermatzeko, uztailaren 1a baino lehen eman beharko da izena.
Aiaraldea Komunikabideak-ek dortsal bat zozkatuko du ekainaren 26an. Interesdunek komunikabidearen webgunean eman dezakete izena zozketan parte hartzeko.
