Bermeoko Udala k herri-prozesu zabala hasi du, bertako emakume eta disidenteei zuzendutako Ahalduntzerako Gune Feminista sortzeko helburuarekin. Lehenengo fasean, herriko eragile eta emakume taldeekin gogoeta egin ondoren, udazkenean herritar guztiei irekitako saioak antolatuko dira. Saio horietan, espazio berriaren izaera, funtzioak eta antolaketa-eredua zehaztuko dira modu parte-hartzailean.
Proiektuaren helburu nagusia Bermeo ko zein errealitate anitzen ahotsak erdigunean kokatzea da, etorkizuneko gunearen bide-orria modu kolektiboan adosteko. Horrela, Udalak herritar guztiak gonbidatu nahi ditu espazio publiko-komunitario hau denon artean irudikatu eta eraikitzera.
Prozesua ezagutarazteko eta lehenengo gogoeta-hazia ereiteko, lehenengo hitzordua irailaren 18an izango da, 18:30ean, Bekoportalen. Topaketa honek bi zati nagusi izango ditu: batetik, Beatriz Egizabal aktorearen ‘Gregoria’ bakarrizketa umoretsua izango da; bestetik, esperientzien trukaketa egingo da, beste herri batzuetan martxan dauden ahalduntze etxeen ibilbidea ezagutuz, Bermeoko proiekturako ideiak eta gakoak jasotzeko.
Partaidetza-prozesuaren lan-saio nagusia urriaren 17ko zapatu goizean egingo den asanblada irekian gauzatuko da. Bertan, herritarrek beraien ekarpenak egin ahal izango dituzte gunearen erabilera, izaera eta kudeaketaren inguruan, proiektua pixkanaka errealitate bihurtzeko.
