Goizean zehar, A-8 errepidean, Kantabriarako norabidean, auto-ilara nabarmenak izan dira. Bizkaiko herritar askok zubia eta eguraldi ona baliatu dituzte ekialdeko Kantabriara joateko asmoz.
Ertzaintzak zuhurtzia eskatu du sare sozialen bidez, pilaketak handitu zirelako. Auto-ilarak Castro Urdialesetik Muskizko La Arena zubiraino iritsi dira. Zorionez, ez da istripurik gertatu.
Goizeko ordu batzuk igaro ondoren, trafikoa normaltasunera itzuli da errepide horretan, eta joan-etorriak arinagoak dira orain.
