Begoña Pedrosa Hezkuntza sailburuak, Ramiro González Arabako ahaldun nagusiak eta Txerra Molinuevo Amurrioko alkateak parte hartu dute gaur goizean Amurrion ospatu den Araba Euskaraz ekitaldian. Ekitaldi hau Arabako ikastolen festa da, eta aurten Aresketa ikastolak antolatu du.
Unai Mendizabal, Araba Euskaraz ekitaldiko presidenteak, nabarmendu du ikastolak sortu zirenetik "euskalduntzean jauzi handia eman dela", baina gaineratu du "euskara erabiltzearen atzerakada eta euskararen aurkako erasoen aurrean, erantzun bateratu bat emateko ordua da".
“"Euskaraz bizi den gizarte bat nahi dugu, eta hona ekarri gaituen olatua utzi gabe, urrunago eramango gaituen beste olatu indartsu bat hartuko dugu."
Pedrosa sailburuak, bere aldetik, Euskadiko gizartea kohesionatzen duten loturak indartzearen garrantzia defendatu du, "aldaketa sozial eta gero eta aniztasun handiagoa dagoen testuinguru batean komunitate sendo bat eraikitzen jarraitzeko".
Sailburuak azpimarratu du euskara Euskadiren "indargune bat dela etorkizuna eraikitzeko". "Hori gara eta baita izan nahi duguna ere", esan du.
